ელემენტ კონსტრაქშენის გუნდი


alt
პაატა ჩიტორელიძე - დამფუძნებელი

პაატა ჩიტორელიძე დაიბადა 1977 წელს.  სწავლობდა  ქ. თბილისის 61-ე, შემდეგ კი  ვლადიმირ კომაროვის  ფიზიკა-მათემატიკის 199-ე საჯარო სკოლაში. უმაღლესი განათლება თბილისის სახელმწიფო უნივერსიტეტში მიიღო - კომერციისა და მარკეტინგის მიმართულებით. მაგისტრის ხარისხი კი, ბიზნესის ადმინისტრირების პროგრამით,  ESM-ში დაიცვა.

პაატა ჩიტორელიძის სახელი კარგადაა ცნობილი ქართულ საბანკო სექტორში.  2001-2018 წლებში,  „თიბისი ბანკში“ მას სხვადასხვა წამყვანი პოზიცია ეკავა. მათ შორის იყო კორპორატიული რეაბილიტაციის განყოფილების უფროსი. 2018 წელს, კორპორატიული და საინვესტიციო საბანკო ბიზნესის დირექტორის მოადგილის პოსტზე მყოფმა, ამჯობინა საკუთარი ძალები მთლიანად მისივე დაფუძნებული სამშენებლო კომპანიისთვის დაეთმო.

„ელემენტ კონსტრაქშენი“ პაატა ჩიტორელიძემ 2007 წელს დააფუძნა.  თავიდანვე განისაზღვრა კომპანიის ძირითადი კრიტერიუმი და ფასეულობა:  ხარისხი და უსაფრთხოება.  აღნიშნული ნიშით ,,ელემენტ კონსტრაქშენმა“   სამშენებლო ბაზარზე გამორჩეულ ბრენდად ჩამოყალიბება შეძლო. პროექტების მზარდმა რაოდენობამ კი კომპანიას მალევე მისცა გაფართოების საშუალება. პაატა ჩიტორელიძის შეფასებით, ,,ელემენტ კონსტრაქშენი” იქცა ერთგვარ პლატფორმად, სადაც მშენებლებს ერთი შეხედვით, არარეალური პროექტების განხორციელებაც კი შეუძლიათ. გამოცდილი კადრებით დაკომპლექტებული გუნდი ნებისმიერი სირთულის პროექტს ართმევს თავს და დამკვეთებს ინოვაციურ სამშენებლო გადაწყვეტილებებს სთავაზობს. პაატა ჩიტორელიძის განცხადებით, მუდმივი განვითარებისა და სიახლეების პარალელურად, მისთვის  ,,ელემენტ კონსტრაქშენი“ ერთი უცვლელი წესის გარშემო ტრიალებს - მაქსიმალური პასუხისმგებლობა დამკვეთისა და საკუთარი თანამშრომლების წინაშე.




alt
ლევან ბერაძე - დამფუძნებელი

დაბადების თარიღი: 04.09.1974

მშენებლობის ეკონომიკისა და მართვის სპეციალობით, 1996 წელს, საქართველოს ტექნიკური უნივერსიტეტი დაამთავრა. სწავლა გერმანიაში, 1998 წელს, მიუნსტერის ტექნიკურ უნივერსიტეტში გააგრძელა - მშენებლობის მართვის სპეციალობით.

განათლების მიღების პარალელურად, 2000-2003 წლებში, მუშაობდა გერმანულ სამშენებლო კომპანია ,,რუკვერკში“ სამუშაოთა მწარმოებლად.  იმავე პოზიციას  ამჯერად  უკვე კომპანია ,,ბრეფელდში“, 2003-2005 წლებში,  იკავებდა.

2005 წელს, მიუნსტერის უნივერსიტეტის დამთავრების შემდეგ, ლევან ბერაძე საქართველოში დაბრუნდა და 2007 წელს სამშენებლო კომპანია ,,ელემენტ კონსტრაქშენი“ დააფუძნა. გერმანული სამშენებლო ინდუსტრიის პრინციპების დანერგვა წარმატებული აღმოჩნდა.  კომპანიამ მალევე შეძლო ბაზარზე ცნობილ და სანდო ბრენდად ჩამოყალიბება. დღეს კი, ,,ელემენტ კონსტრაქშენი“, სამოქალაქო, სამრეწველო თუ ჰიდროტექნიკური  მიმართულებით, მრავალი ცნობილი მშენებლობის ავტორია.




alt
ირაკლი შონია - აღმასრულებელი დირექტორი

საქართველოს უნივერსიტეტის მოწვეული ლექტორი, დოქტორის ხარისხი მშენებლობაში (სპეციალობა - მშენებლობის მენეჯმენტი), სამშენებლო პროექტების მართვის 10 წლიანი გამოცდილება, საქართველოს კონსულტანტ ინჟინერთა ასოციაციის ხმის უფლების მქონე წევრი, 10-მდე სამეცნიერო სტატიის ავტორი.

 

 

 

მოგესალმებით,

მოხარული ვარ, წარმოგიდგინოთ ,,ელემენტ კონსტრაქშენის“ მრავალფეროვანი პორტფოლიო და გაგაცნოთ მიდგომები, რომლებიც კომპანიის წარმატებას განაპირობებს.

მიზანი - ,,ელემენტ კონსტრაქშენი“ იყოს სამაგალითო კომპანია ქართულ სამშენებლო ბაზარზე, ჩემი და ჩემი გუნდის წევრებისთვის, სრულად გააზრებული პასუხისმგებლობაა.

პირადად ჩემი პასუხისმგებლობა კი თანამშრომლებით იწყება. პრიორიტეტულია თითოეულ მათგანს საკუთარი შესაძლებლობების მაქსიმალური რეალიზების საშუალება მიეცეს-იქნება ეს საერთაშორისო ტრენინგებში, სამშენებლო ინდუსტრიის სხვადასხვა აქტუალურ მოვლენაში ჩართულობა თუ კომპანიის სტრატეგიულ მართვაში მონაწილეობის მიღება.

ჩვენ მუდამ ვზრუნავთ კადრების განვითარებასა და მათ პროფესიულ ზრდაზე, ვაცნობიერებთ რა, რომ სწორედ პერსონალი, მათი ცოდნა და გამოცდილება არის ის მთავარი რგოლი, რომელიც იძლევა ჩვენი მიდგომების პრაქტიკაში რეალიზაციის შესაძლებლობას. ვამაყობ, რომ გვყავს ძლიერი გუნდი, რომელთაც არაერთხელ დაუმტკიცებიათ, რომ შეუძლებელი არაფერია.

სამშენებლო პროექტების მართვის საერთაშორისოდ აღიარებული მეთოდოლოგიების გამოყენებით და ჩვენი გუნდის მიერ დაგეგმვის და მონიტორინგის პერმანენტული ღონისძიებების გატარებით, ხდება სამშენებლო პროექტის რეალიზაციისთვის საჭირო ყველა დეტალის მაქსიმალურად შესაძლო სიზუსტით დაგეგმვა და სამშენებლო აქტივობების ოპტიმალური თანმიმდევრობის განსაზღვრა, რაც უზრუნველყოფს დამკვეთის მოლოდინების და საბოლოო სამშენებლო პროდუქტის თანხვედრის უმაღლესს ხარისხს.

მთავარი და უცვლელი პრინციპი კი გუნდის წევრების უსაფრთხო სამუშაო პირობებით უზრუნველყოფაა. აღსანიშნავია, რომ უსაფრთხოების მაქსიმალურ სტანდარტს არა მარტო საკუთარ სისტემაში ვნერგავთ, არამედ სოციალური პასუხისმგებლობიდან გამომდინარე, ამ კუთხით არსებულ გამოცდილებას სხვებსაც ვუზიარებთ.

პასუხისმგებლობის მსგავსი მიდგომები განაპირობებს ჩვენს წარმატებულ ურთიერთობებს დამკვეთებთან. ,,ელემენტ კონსტრაქშენის“ მიერ უსაფრთხოდ, ხარისხიანად და ვადების ზუსტი დაცვით შესრულებული პროექტები ხანგძლივი სტრატეგიული თანამშრომლობის ჩამოყალიბების გარანტიაა.

დიახ, უსაფრთხოება, ხარისხი და პასუხისმგებლობა - ასეთია ქართული სამშენებლო კომპანიის ,,ელემენტ კონსტრაქშენის“ სტანდარტები.
პატივისცემით,

ირაკლი შონია

,,ელემენტ კონსტრაქშენის“ აღმასრულებელი დირექტორი